L e s b i t
Would you like to react to this message? Create an account in a few clicks or log in to continue.

L e s b i t


Forum: Life in the Philippines as a lesbian, bisexual or transgender.

C e l e b r a t i n g   L o v e   B e t w e e n   W o m e n
 
HomeHome  Latest imagesLatest images  RegisterRegister  Log inLog in  WelcomeWelcome  Contact Us  

 

 USAPAN PAGKATAPOS.....

Go down 
4 posters
AuthorMessage
Guest
Guest
Anonymous



USAPAN PAGKATAPOS..... Empty
PostSubject: USAPAN PAGKATAPOS.....   USAPAN PAGKATAPOS..... EmptyMon 16 Aug 2010, 6:45 am

Magkahawak ang kamay namin habang nakahiga sa malambot na kama. Pareho kaming nakatingin sa kisame. Ilang sandali na rin kaming ganito. Hindi ko alam kung anong iniisip niya. Ayoko namang magsalita. Pinikit ko ang aking mga mata. Dinama ang katahimikan na bumabalot sa loob ng silid na kinaroroon namin. Ilang sandali pa ay naramdaman ko ang pagkawala ng mga kamay niya mula sa aking pagkakahawak. Hinihintay kong tumayo na siya, subalit nagkamali ako. Naramdaman ko ang malambot niyang palad na humahaplos sa pisngi ko. Kasunod noon ang malamyos niyang tinig.

“Alam mo ba kung anong pinakagusto kong part pang ginagawa natin to?”, tanong niya.

Bahagyang kumunot ang noo ko pero hindi pa din ako dumilat.

“Ang alin?”, ganting tanong ko. Bumuntong hininga siya. Iniyakap ang kanyang braso sa bewang ko at inihilig ang ulo niya sa balikat ko.

“Ito. After nating mag make love…”, sagot niya. Bahagyang natawa ko sa sinagot niya.

“Aling part?”, pilyang tanong ko. Narinig ko ang mahina niyang pagtawa na sinundan muli ng buntong hininga.

“Yung kapag natapos na.”, mahina niyang sagot na nagpadilat saking mata. Tinignan ko siya.

“Bakit kapag tapos na?”

Ngumiti siya at hinalikan ang pisngi ko.

“Kasi pagkatapos, niyayakap mo ko ng mahigpit tapos sinasabi mong mahal mo ko.”, sagot niya.

Napatitig akong muli sa putting kisame. Lumilipad ang diwa ko.

“Bakit hindi ko ba sinasabi sayo yun?”

Hindi siya umimik. Naramdaman ko na humigpit ang pagkakayakap niya sa bewang ko.

“Paano mo nasasabing mahal mo ko?” muli ay tanong niya.

Patlang. Ilang segundong katahimikan.

“Mahal kita. Hindi ba sapat na sinasabi ko?”
“Pero mahal mo din sila…”

Natawa ko. Tawa na walang buhay. Nalalasahan ko ang pait.

“Mahal kita Sheryl. Mahal ko sila…hindi ko alam bakit naging ganito ako. Hindi naman ako nanloloko ng babae. Bago ako pumasok sa relasyon alam niyo na kung anong kaya at hindi ko kayang ibigay.”

Buntong hininga.

“Hindi ka ba napapagod?”

Tinignan ko siya sa mata.

“Sobrang napapagod na ko. Alam mo ba yung pakiramdam na oo madame sila, kung tutuusin hindi ako mababakante sa kasama, pero pagtapos na yung araw…alam mong wala ka pa ding uuwian. Sa gabi ilan silang katext ko, lahat sila nilalambing at sinasabihan ng “I love you”…yung mga words na yun, nawawalan na ng kahulugan.”

“Alam mo ba bakit ako naging ganito? Siguro dahil hanap ako ng hanap sa isang bagay na hindi ko alam kung ano. Sa taong hindi ko alam kung makikita ko pa. Sa tuwing gusto ko ng magseryoso sa tao, ito ang nangyayari. Lagi akong huli. Gusto kitang agawin kay Dianne, pero hindi tama. Dahil alam kong mas mahal mo pa din siya at kahit baliktarin ko ang mundo siya pa din ang pipiliin mo.”

“Bakit pinangungunahan mo ang bukas?”singit niya.

“Bakit hindi ba totoo? Ilang beses na kong nabigo. Hindi na nga ko makaiyak. Sa bawat dumadating, lagi kong hinihiling n asana magtagal siya sa buhay ko, na sana hindi na siya umalis. Pero hanggang ngayon wala pa din.”

Katahimikan ulet.

“I’m sorry Leanne…”

Pagak na tawa.

“Sorry for what Sheryl? Ginusto natin to pareho.”

Patlang. Wala kong madinig kundi ang tibok ng puso ko. Mabilis. Parang ano mang oras sasabog at mawawasak.

“Sa tingin mo dadating pa siya sa buhay ko?” wala sa sariling naitanong ko bigla.

Niyakap niya kong muli ng mahigpit.

“Oo. Dadating siya.”

“Bakit hindi pa ngayon?”

“Kasi madami ka pa daw dapat matutunan.”

“Ano pa bang dapat kong matutunan?”

“Life ang magtuturo sayo kung ako yon.”

“Natatakot ako…”

“Natatakot saan Leanne?”

“Na baka pag dumating na siya…ubos na lahat ng paniniwala at pagmamahal na natitira sakin.”

Hinalikan niya ko sa pisngi.

“Hindi nauubos yan. Pag dumating na siya, lahat ng pangako na hindi mo maibigay mo sa amin, ibibigay mo sa kaniya lahat yon.”

Umupo ako. Naramdaman kong niyapos niya ko mula sa likuran. Hinawakan ko ng mahigpit ang kamay niya.

“Mahal na mahal kita Sheryl. Kahit alam kong mali… sobra sa inaakala mo. At higit sa inaasahan ko.”, mahina kong bulong…

Ilang sandali pa naramdaman ko ang pagpatak ng luha mula sa aking mga mata.
Back to top Go down
matrixian
Papansin
matrixian


Post Count : 32
Current Location : world. hahahaha
Sexual Identity : what's this all about? haha
Preference : siklet

My Status
Current Status:
I am feeling..: High!

USAPAN PAGKATAPOS..... Empty
PostSubject: Re: USAPAN PAGKATAPOS.....   USAPAN PAGKATAPOS..... EmptyMon 16 Aug 2010, 9:24 am

gusto ko yang mga ganyang likhang-isip. wikang sarili ang gamit. mataas na mataas ang paggalang ko sa mga taong bagamat mahusay sa wikang banyaga, kumakasa pa rin sa wikang filipino. salamat sa pagbabahagi. medic!
Back to top Go down
jeinandrei
Malakas Loob
jeinandrei


Post Count : 66
Current Location : Straight to Abby's heart
Sexual Identity : femme
Preference : FRIENDS

My Status
Current Status:
I am feeling..: High!

USAPAN PAGKATAPOS..... Empty
PostSubject: Re: USAPAN PAGKATAPOS.....   USAPAN PAGKATAPOS..... EmptyTue 17 Aug 2010, 11:50 am

Nice one jyb...
Back to top Go down
Guest
Guest
Anonymous



USAPAN PAGKATAPOS..... Empty
PostSubject: Re: USAPAN PAGKATAPOS.....   USAPAN PAGKATAPOS..... EmptyTue 17 Aug 2010, 2:04 pm

tenkyu.. tenkyu.. at tenkyu... tagal ko ng sinulat to hinalungkat ko pa sa baul, bakit ngayon ko lang naisip ipost d2.. para kay Sheryl.. ahaist..

thanks sa pag appreciate.. :)
Back to top Go down
coldhearthunter
Mahiyain
coldhearthunter


Post Count : 6
Current Location : somewhere down the road
Sexual Identity : Butch
Preference : femmes

My Status
Current Status:
I am feeling..: Ecstatic!

USAPAN PAGKATAPOS..... Empty
PostSubject: Re: USAPAN PAGKATAPOS.....   USAPAN PAGKATAPOS..... EmptyWed 20 Jul 2011, 10:22 am

ang ganda naman ng panulat na to..
malawak talaga ang ung isip sa mga bagay a to...
i salute u for this work of art..
Back to top Go down
Blue
Sikat
avatar


Post Count : 115
Current Location : Luntiang sinturon
Sexual Identity : Half and half
Preference : Femmes

My Status
Current Status:
I am feeling..: Indifferent

USAPAN PAGKATAPOS..... Empty
PostSubject: Re: USAPAN PAGKATAPOS.....   USAPAN PAGKATAPOS..... EmptySun 24 Jul 2011, 6:13 am

Kung may "like" button lang dito, ni-like ko na ito ng ilang daang beses.

Talaga naman, ang sarap basahin at pakinggan ng Filipino.
Back to top Go down
Guest
Guest
Anonymous



USAPAN PAGKATAPOS..... Empty
PostSubject: Re: USAPAN PAGKATAPOS.....   USAPAN PAGKATAPOS..... EmptySun 07 Aug 2011, 5:52 am

thank you guys... nakakamiss tuloy magsulat pag nababasa ko mga comments nyo ... salamat ulet :)
Back to top Go down
Sponsored content





USAPAN PAGKATAPOS..... Empty
PostSubject: Re: USAPAN PAGKATAPOS.....   USAPAN PAGKATAPOS..... Empty

Back to top Go down
 
USAPAN PAGKATAPOS.....
Back to top 
Page 1 of 1

Permissions in this forum:You cannot reply to topics in this forum
L e s b i t :: Literature :: O r i g i n a l  F i c t i o n-
Jump to: